Uhtel aigal anop ii navednu ičeze vävud. Kerdan praznikal anop pani sömlaudale staucan huväd sömišt1 tutren da vävun edehe. Söškatihe. Anop siižub sömlaudanno, ottab staucan, kudambas poles oli enamba void i kändaldab tutren pol'he. Vävu nägišt' necen i sen polen staucad tagaze kändaldab ičeze pol'he, sel aigal kuz-zub anopel:

- Kus sina oled ostnu ninkoman sömižen?

- Bazaral, vävu, sanui anop i most kändab staucan ičeze tutren pol'he.

Vävu kuzzub most kätes staucan ičeze pol'he:

- äjak maksoid neces sömižes?

Anop kändab staucan tutren pol'he, kudambas poles oli enam¬ba void, i sanub vastha vävule:

- Viiž kopikad, vävu...

- Ka, huvä om söm, sanub vävu i kändab magedan polen staucad ičeze pol'he.

Enamba anopele ii olnu mida sanuda.

Vävu ajab nagrhenke

Ende semetihe nagriž palol. Kerdan vävu (kurthatab oli) aji re-gel nagrhenke mecaspei kodihe. Vastha astub anop. Anttihe toine toižele tervhutt: "Voidiik."

Anop: "Tervehik om tutär?" Vävul oli meles nagriž: "Nimida hänenke ii ole tehnuze." Anop: "Ala abidoiče tutärt." Vävu: "Vodeks täudub."

ženih

Uks ženih läks' ec'maha nevestad Korelaha. Tuli sinna. Vähäižen eli i löuz' niiččen. Mäni kozile. Konztuli, niiččen mamm kuzzub ženihol: "Mida om sinei kodiš huvutt?" ženih: "Milei om kodiš kaks' lavkad da mel'nica." lhastui tutren mamm, mise ženih om bohat. Sanub tutrele: "Kacu, mäne, mä hänen taga mehele, ženih om bohat."

Mäni niižne mehele. Vät'he svad'b. Toi ženih murzäimen kodi¬he Vepsaha. Tul'd'he pet'he. Uks' hiiš ištuihe uhtele laučale, toine toižele. Murzäin kuzzub ženihol: "Ozuta, kus žo oma sinun kaks' lavkad da mel'nica?" ženih: "Uks lavka om, kudambal sina ištud, toine om kudambal mina ištun, a mel'nican mina voin ozutada ou-kas." Mänt'he oukha, a siga čugas siižub käzikivi.

ADIV

Kerdan vonuk mäni adivoihe babazenno. Tuli. Babaze händast, žadobniijan vonukan, huvin vastaz'. Kiit' samvaran, pani sömlau¬dale kurzid i latkaižen kandatest. Ištuihe sömha...

Babb sanub vonukale: "Vonukaine armaz, paina latkaižehe." "Oi, en paina latkaižehe, en rohti, baba." Babb sen vaise i čanžotab: "Paina, nadii, paina."

Vonuk laskob painda latkašt' möto, latkaine kandatesenke mäni lavale kukiristti. Babb voivotaškanzi: "Ka, en mina kästnu sili muga painda, käskin kurzan painda latkaižehe," sanub babb.